ایک علامتی پینٹنگ جس میں 1848 میں فرانس میں غلامی کے خاتمے کو دکھایا گیا تھا۔
فرانسیسی پارلیمنٹ کی جانب سے غلامی سے متعلق کالا قانون متفقہ طور پر منسوخ
فرانس نے سنہ 1848 میں غلامی کا خاتمہ کر دیا تھا لیکن سنہ 1685 میں لوئی چہادہ کا دستخط کردہ فرمان منسوخ نہیں کیا گیا تھا
فرانسیسی ایوان زیریں یعنی اسمبلی نے جمعرات کے روز ایک علامتی اور طویل عرصے سے زیر التوا اقدام کے تحت ستارہویں صدی کے اس قانون کو منسوخ کرنے کے مسودہ قانون کے حق میں ووٹ دیا ہے جو فرانسیسی نو آبادیات میں غلام بنائے گئے لوگوں پر لاگو ہوتا تھا۔
قومی اسمبلی نے اتفاق رائے کے ایک نادر منظر میں کالا قانون یعنی بلیک کوڈ کو منسوخ کرنے کے مسودہ قانون کے حق میں 254 صفر سے ووٹ دیا۔ یہ وہ شاہی فرمان تھا جس پر سنہ 1685 میں لوئی چہاردہ نے دستخط کیے تھے۔
فرانس نے سنہ 1848ء میں ہی غلامی کا خاتمہ کر دیا تھا لیکن کالا قانون باضابطہ طور پر منسوخ نہیں کیا گیا تھا۔ یہ ووٹنگ فرانس کے نو آبادیاتی ماضی کے حوالے سے ایک اہم قدم ہے۔
فرانسیسی صدر عمانویل میکروں نے گذشتہ ہفتے مزید تفصیلات فراہم کیے بغیر غلامی کے معاوضے کا خیال پیش کیا تھا۔