shah salman and urdgan
ترک صدر کی شاہ سلمان کو بہترین حج انتظامات اور عید کی مبارک باد
ترکی کے صدررجب طیب ایردوآن نے ٹیلی فون پرخادم الحرمین الشریفین شاہ سلمان بن عبدالعزیز کو حج کے موقع پربہترین انتظامات کرنے، حجاج کرام کو سہولیات فراہم کرنے اور عیدالاضحیٰ کی مبارک باد پیش کی۔
سعودی عرب پریس ایجنسی'ایس پی اے' کےمطابق ترک صدر نے لاکھوں حجاج کرام کو حج کے موقع پر بہترین سہولیات فراہم کرنے پر شاہ سلمان کو مبارک باد پیش کی اور ساتھ ہی انہوں نے عیدالاضحیٰ کی مبارک باد بھی پیش کی۔
اس موقع پر شاہ سلمان نے بھی ترک صدر کو عید کی مبارک بادپیش کرنے کے ساتھ پورے عالم اسلام کے لیے اپنی نیک تمنائوں کا اظہار کیا۔ انہوں نے ترک صدر کی طرف سے حج انتظامات کی تحسین پران کا شکریہ ادا کیا اور کہا کہ سعودی عرب اللہ کے مہمانوں کی خدمت کے لیے تمام وسائل کو بروئے کار لاتی رہے گی۔