• صفحہ اول
• بين الاقوامى

شام میں انتہا پسندوں کے ہاتھوں گرفتار ہونے والا امریکی صحافی رہا ہونے کے دو دن بعد واپس امریکا پہنچ گیا ہے۔

پنتالیس سالہ پیٹر تھیوکرٹس امریکی صحافی کے اہل خانہ نے بوسٹن سے جاری کیے گئے ایک بیان میں کہا ہے کہ کرٹس تل ابیب کے راستے نیو یارک پہنچ گیا ہے۔ جہاں سے بعد ازاں اپنی والدہ نینسی کرٹس کے ہمراہ بوسٹن پہنچ گیا ہے۔

کرٹس نے اپنی رہائی پر امریکی حکام کا شکریہ ادا کیا جنہوں نے اس کی رہائی کے لیے غیر معمولی کوششیں کیں۔ واضح رہے ایک ہفتہ پہلے ایک امریکی صحافی جیمز فولے کو شام میں انتہا پسندوں نے ہلاک کر دیا تھا۔

جیمز فولے کو 2012 میں اس وقت اغواء کیا گیا تھا جب وہ شامی خانہ جگی کی کوریج کے لیے شام میں موجود تھا۔ اس کی ہلاکت کی ویڈیو داعش نے اپ لوڈ کی تھی۔

رہائی پانے والے امریکی صحافی پیٹر کرٹس کے بارے میں کہا جاتا ہے کہ اسے النصرہ فرنٹ نے حراست میں لیا تھا۔ خیال رہے النصرہ فرنٹ سنی انتہا پسندوں کا گروپ ہے، جو شامی رجیم کے خلاف سرگرم ہے