• صفحہ اول
• بين الاقوامى

لبنان کی شیعہ تنظیم حزب اللہ کے کمانڈر عِماد مغنیہ کی 2008ء میں ایک کار بم دھماکے میں ہونے والی ہلاکت کے پیچھے امریکی سی آئی اے اور اسرائیلی خفیہ ایجنسی موساد کا ہاتھ تھا۔ اس امر کا انکشاف بات امریکی اخبار واشنگٹن پوسٹ نے اپنی حالیہ اشاعت میں کیا ہے۔

اخبار نے سابق انٹیلیجنس حکام کے حوالے سے بتایا ہے کہ امریکا اور اسرائیل کی ایجنسیوں نے باہمی اشتراک سے عِماد مغنیہ کو نشانہ بنایا تھا۔ مغنیہ 12 فروری 2008ء کو شامی دارالحکومت دمشق میں ایک ہوٹل کے باہر ہونے والے ایک کار بم دھماکے کے نتیجے میں ہلاک ہو گئے تھے۔ اخبار کے مطابق سی آئی اے نے اس خبر پر تبصرہ کرنے سے انکار کیا ہے۔

یاد رہے کہ اٹھارہ جنوری کوعماد مغنیہ کے بیٹے جہاد مغنیہ کو بھی ایک ایرانی جنرل اور حزب اللہ کے چھے جنگجووں سمیت اسرائیل نے ایک میزائل حملے میں ہلاک کر دیا تھا۔