• صفحہ اول
• بين الاقوامى

فلسطینی تنظیم حماس کے سیاسی بیورو کے نائب سربراہ اسماعیل ہنیہ نے جمعہ کے روز باور کرایا ہے کہ حماس نئی جنگ نہیں چاہتی مگر وہ غزہ پٹی کی اراضی میں اسرائیلی چڑھائی کی اجازت نہیں دے گی۔

غزہ پٹی کے وسطی شہر دیر البلح کی ایک مسجد میں نماز جمعہ کے خطبے کے دوران ہنیہ کا کہنا تھا کہ " ہم اگرچہ کسی نئی جنگ کو دعوت نہیں دے رہے تاہم ہم کسی طور بھی اپنے گھروالوں اور اپنی غزہ پٹی پر ان (اسرائیلی) حملوں اور تسلط کی اجازت نہیں دیں گے"۔

انہوں نے واضح کیا کہ اسرائیلی فوج "سرنگوں کی تلاش کا بہانہ بنا کر غزہ کی اراضی میں سو یا ڈیڑھ سو میٹر تک اندر گھس آتی ہے"۔