• صفحہ اول
• بين الاقوامى

سعودی عرب کی فضائی دفاعی فورسز نے یمن میں حوثی ملیشیا کی جانب سے چلایا گیا ایک بیلسٹک میزائل ناکارہ بنا دیا ہے۔ یہ میزائل سعودی عرب کے مغربی صوبے طائف کی جانب داغا گیا تھا۔

سعودی ذرائع کے مطابق فضائی دفاعی فورسز نے حوثی باغیوں کے اس میزائل کو زمین سے فضا میں مار کرنے والے پیٹریاٹ میزائل سے تباہ کیا ہے اور اس کے ٹکڑے ایک غیر آباد علاقے میں گرے ہیں۔

دریں اثناء عرب اتحاد کے ایک لڑاکا طیارے نے یمن میں میزائل داغنے والے پیڈ کو بمباری کرکے تباہ کردیا ہے۔