KSA FO LOGO
سعودی وزارت خارجہ نے آسٹریلیا کی جانب سے حزب اللہ کے سیاسی وعسکری ونگ کو دہشت گرد قرار دینے کے ارادے کا خیر مقدم کیا ہے۔
سعودی خبر رساں ایجنسی "ایس پی اے" کے مطابق وزارت خارجہ کی جانب سے جاری مختصر بیان میں وزارت خارجہ نے آسٹریلوی حکومت کی جانب سے اٹھائے گئے اقدام کو عالمی امن و سلامتی کے لیے مثبت اقدام قرار دیا۔
بیان میں عالمی برادری پر زور دیا گیا کہ’ وہ دنیا بھر میں دہشت گردی اور دہشت گرد گروہوں کا مقابلہ کرنے کے لیے مشترکہ موقف اختیار کرے‘۔
واضح رہے کہ آسٹریلیا نے بدھ کو کہا تھا کہ وہ حزب اللہ کو دہشت گرد تنظیموں کا فہرست میں شامل کرنے کا ارادہ رکھتا ہے۔