Bharatiya Janata Party (BJP) supporters hold BJP party flags and cut-outs with portrait of BJP leader and India's Prime Minister Narendra Modi during a rally ahead of the state assembly elections in Ferozepur on January 5, 2022 which was reportedly cancelled later citing security concerns. (AFP)
ملک کی نائب صدارت کے لیے جگدیپ ڈھانکھر بی جے پی کے امیدوار قرار
نئے نائب صدر کا انتخاب چھ اگست کو متوقع ہے۔
بھارتی کی حکمران جماعت بی جے پی نے گورنر جگدیپ ڈھانکھر کو ملک کی نائب صدارت کے عہدے کے لیے نامزد کیا ہے۔ 71 سالہ جگدیپ 1988 میں راجھستان سے قانون ساز کے طور پر منتخب ہوئے تھے۔ وہ راجھستانی ریاست کے ہی رہنے والے ہیں۔
نائب صدارت کے لیے بھارت میں الیکشن چھ اگست کو ہونے جا رہا ہے۔ اس سے پہلے بی جے پی کے واحد مسلمان رہنما مختار عباس نقوی کے بارے میں کیال تھا کہ وہ نائب صدر بنیں گے۔
بھارتی اپوزیشن جماعتوں نے ابھی اس عہدے کے لیے اپنے امیدوار کی نامزدگی نہیں کی ہے۔ ملک کا نائب صدر ایسی صورت میں قائم مقام صدر بھی بن سکتا ہے جب صدر کا انتقال ہو جائے، وہ مستعفی ہو جائے یا اس کی برطرفی ہو جائے۔ نائب صدر پارلیمنٹ کے ایوان بالا راجیہ سبھا کا چئیرمین بھی ہوتا ہے۔
بھارتی صدر ملک کی مسلح افواج کا سپریم کمانڈر ہوتا ہے اور اگر عام انتخابات میں نتائج ایسے آئیں کہ کوئی بھی جماعت اکثریت نہ حاصل کر سکی ہوتو صدر حکومت سازی کے عمل کی نگرانی کرتا ہے۔