• صفحہ اول
• بين الاقوامى

جنوبی کوریا میں وزارت برائے کوریائی امور و کوریائی اتحاد نے شمالی کوریا کے رہنما کم جانگ کی ہمشیرہ کی طرف سے اس الزام پر افسوس کا اظہار کیا ہے کہ جنوبی کوریا سے آنے والے کتابچے کووڈ پھیلانے کا باعث بنے۔

وزارت کی طرف سے جاری کردہ ایک بیان میں کہا گیا ہے کہ' ہم ان بے بنیاد الزامات پر شدید اظہار افسوس کرتے ہیں۔ جن میں کہا گیا ہے کووڈ کے پھیلنے کو جنوبی کوریا کے ساتھ جوڑا گیا ہے۔ '

شمالی کورین لیڈر کم جانگ نے جمعرات کے روز کووڈ کے خلاف اپنے ملک کی فتح کا اعلان کیاہے۔ سرکاری خبر رساں ادارے کے مطابق انہوں نے اس کامیابی کو ماہ مئی میں کووڈ کے خلاف کیے گئے انتہائی سخت اقدامات سے جوڑا ہے۔