• صفحہ اول
• بين الاقوامى

سعودی عرب کی وزارت داخلہ نے ریاض میں قائم دو رہائشی یونٹوں میں جعلی کرنسی رکھنے کے شبے میں چھاپہ مارا جہاں سے چار ملزمان کو گرفتار کیا گیا اور ان کے قبضے سے جعلی کرنسی بھی برآمد کی گئی ہے۔ پولیس نے چھاپہ مار کارروائی کی ویڈیو بھی جاری کی ہے۔

علاقہ پولیس نے تصدیق کی کہ انہوں نے جعلی کرنسی اور ایک چوری شدہ گاڑی کو ضبط کرنے کےساتھ جعلی کرنسی میں استعمال ہونے والے آلات بھی قبضے میں لے لیے۔

پولیس کا کہنا ہے کہ گرفتار ملزمان کو مزید قانونی کارروائی کے لیے پبلک پراسیکیوشن کے حوالے کردیا گیا ہے۔