• صفحہ اول
• بين الاقوامى

مصر کے شمال میں غربیہ گورنری میں مصری سکیورٹی فورسز اور راہگیروں نے ایک لڑکی کو اس وقت خودکشی سے بچا لیا جب اس نے چوتھی منزل سے چھلانگ لگانے کی کوشش کی۔

حکام کو طنطا کی انچارج سکیورٹی فورس اور متعدد پیدل چلنے والوں سے ایک رپورٹ موصول ہوئی کہ ایک لڑکی نے طنطا میں رہائشی عمارت میں اپارٹمنٹ کی چوتھی منزل سے چھلانگ لگانے کی کوشش کی۔

اطلاع ملتے ہی سکیورٹی فورس جائے وقوعہ پر پہنچی، جہاں شہری دفاع کا عملہ اور ایمبولینس فورس نے لڑکی کو بچانے اور گرنے سے پہلے ہی اسے باہر نکالنے کی کامیاب کوشش کی۔

معلوم ہوا کہ تیس سالہ لڑکی ایک ملازمہ کے طور پر کام کرتی ہے اور وہ اس اپارٹمنٹ سے فرار ہونے کی کوشش کر رہی تھی جس میں وہ کام کرتی ہے۔ لڑکی ایک مشہور مصری کاروباری شخصیت کے ہاں ملازمت کرتی ہے اور یہ عمارت شہر میں ایک بڑی سیاحتی کمپنی کے مالک کا ہے۔

سماجی رابطوں کی ویب سائٹس فیس بک پر لڑکی کا ایک ویڈیو کلپ شیئر کیا گیا۔اس ویڈیو میں لڑکی کو اپارٹمنٹ سے فرار ہونے کی کوشش کرتے دیکھا جا سکتا ہے۔ پولیس نے واقعے کی تحقیقات شروع کر دی ہیں۔