جون میں ایمازون کے جنگل میں 40 روز بھٹکنے کے بعد ڈھونڈے گئے چار بچے
ایمازون جنگل سے ڈھونڈے گئے چار میں سے دو کا والد سوتیلی بیٹی سے زیادتی پر گرفتار
کولمبیا کے ایمازون جنگل سے دو ماہ قبل بچائے گئے چار مقامی بچوں میں سے دو کے والد مینوئل رانوکی کو اپنی سوتیلی بیٹی کے ساتھ جنسی زیادتی کرنے کے الزام میں گرفتار کرلیا گیا۔
گرفتاری کی تصدیق سوشل نیٹ ورکس پر استغاثہ کے ذریعے کی گئی۔ پراسیکیوٹر نے وٹوٹو ایبوریجنل کے مقامی 47 سالہ رانوکی کے خلاف الزامات کی وضاحت نہیں کی۔
استغاثہ کے ترجمان نے "ایجنسی فرانس پریس" کو بتایا کہ مکمل معلومات اس وقت سامنے لائی جائیں گی جب اس پر مقدمہ چلایا جائے گا۔ توقع ہے کہ سماعت ہفتہ کے روز ہوگی تاہم سماعت کے حتمی دن کو جج نے طے کرنا ہے۔
زیادتی کے الزام میں گرفتار رانوکی
جون میں چار بچے کولمبیا کے جنگل میں اس چھوٹے طیارے کے حادثے کے 40 دن بعد پائے گئے تھے۔ یہ چار بچے جنگل میں بھٹک رہے تھے۔ مقامی گاؤں کے گورنر ولیم کاسترو نے مقامی ٹی وی کاراکول کو بتایا کہ اس بات کی نشانیاں موجود ہیں کہ رانوکی نے اپنی سب سے بڑی سوتیلی بیٹی کے ساتھ ریپ کیا تھا۔
بچوں کے نانا نانی اور دو سب سے چھوٹے بچوں کے والد کے درمیان بچوں کی تحویل کے حق پر لڑائی چھڑ گئی ہے۔ جنگل سے بازیاب کئے گئے چار بچے ایک ماہ تک ہسپتال میں رہنے کے بعد اپنے گھروں کو چلے گئے تھے۔