• صفحہ اول
• بين الاقوامى

امریکی محکمۂ خزانہ نے کہا کہ امریکہ نے جمعہ کو ترکیہ کے ساتھ تحقیقات کے بعد داعش سے تعلق رکھنے والے چار افراد پر پابندیاں عائد کر دیں۔

امریکی محکمۂ خزانہ نے ایک بیان میں کہا، داعش گروپ سے منسلک انسانی سمگلنگ میں ملوث ایک گروہ کے تین حامی اس پابندی کا نشانہ ہیں اور ایک اور شخص ہے جو داعش کے تربیتی کیمپ کے قیام میں ملوث ہے۔

محکمۂ خزانہ کے مطابق یہ افراد ازبکستان اور جارجیا سمیت ممالک میں مقیم تھے اور کم از کم ایک فرد نے ترکیہ میں داعش کے ارکان کی معاونت کی۔

محکمۂ خزانہ کے انڈر سیکرٹری برائے دہشت گردی و مالیاتی انٹیلی جنس برن نیلسن نے ایک بیان میں کہا، "ترکی کے ساتھ مربوط کارروائی دہشت گردی کے تمام خطرات بشمول [داعش] کے خلاف مادرِ وطن کے دفاع کے لیے ہمارے مسلسل عزم کا اظہار ہے۔"

محکمہ خزانہ نے کہا، امریکہ کا قریبی فوجی شراکت دار اور نیٹو کا اتحادی ترکی داعش سے منسلک نیٹ ورک کے خلاف خود کارروائی کر رہا ہے۔