بیلجیئم کے دارالحکومت کی بلدیہ حکومت نے کہا ہے کہ عدم تحفظ اور ممکنہ مظاہروں کی وجہ سے برسلز میں بیلجیئم اور اسرائیل کے درمیان آئندہ یو ای ایف اے فٹ بال میچ کا انعقاد ناممکن ہو گا۔ (فائل فوٹو: اے ایف پی)
عدم تحفظ کی وجہ سے بیلجیئم-اسرائیل فٹبال میچ کی میزبانی ناممکن ہے: برسلز سٹی
احتجاجی مظاہروں کی وجہ سے میچ کا انعقاد تماشائیوں، کھلاڑیوں اور شہریوں کے تحفظ کے لیے خطرناک ہو گا
بیلجیئم اور اسرائیل کے درمیان برسلز میں آئندہ یو ای ایف اے فٹ بال میچ کا انعقاد عدم تحفظ اور ممکنہ مظاہروں کی وجہ سے ناممکن ہو گا۔ یہ بات بیلجیئم کے دارالحکومت کی بلدیہ حکومت نے بدھ کو کہا۔
اس نے ایک بیان میں کہا، "برسلز شہر کنگ باؤڈوئن سٹیڈیم میں بیلجیئم اور اسرائیل کے یو ای ایف اے میچ کے انعقاد کو ناممکن سمجھتا ہے۔"
نیز کہا گیا، "ایک محتاط اور گہرائی سے کیے گئے تجزیئے کے بعد ہم آج اس نتیجے پر پہنچے ہیں کہ اس پریشان کن وقت میں ہمارے دارالحکومت میں اس طرح کے میچ کا اعلان بلاشبہ بڑے احتجاجی اور جوابی مظاہروں کا باعث بنے گا جو تماشائیوں، کھلاڑیوں، برسلز کے رہائشیوں اور ہماری پولیس فورس کی حفاظت کے لیے خطرناک ہو گا۔"
یو ای ایف اے نیشنز لیگ کا میچ 6 ستمبر 2024 کو طے شدہ ہے۔
غزہ میں اسرائیل کی جنگ عالمی مظاہروں کا باعث بنی ہے بشمول بیلجیئم میں جہاں فلسطینی حامی کارکنوں نے یونیورسٹیوں میں احتجاج اور دھرنوں کا اہتمام کیا ہے۔ ان کے نتیجے میں بیلجیئم کی کچھ یونیورسٹیوں نے اسرائیلی اداروں سے جزوی یا مکمل طور پر تعلقات منقطع کر لیے ہیں۔