• صفحہ اول
• بين الاقوامى

امریکہ کے سابق صدر اور نومبر میں ری پبلکن صدارتی امیدوار ڈونلڈ ٹرمپ پر ہفتے کے روز ہونے والے قاتلانہ حملے کے بعد امریکی خفیہ سروس کی طرف سے ان دعوؤں کی تردید کی گئی ہے کہ ' اس نے ڈونلڈ ٹرمپ کے لیے پنسلوانیا کی انتخابی ریلی سے قبل ٹرمپ کو اضافی تحفظ دینے سے انکار کیا تھا۔ '

ٹرمپ کو پنسلوینیا میں ہفتے کے روز جلسے سے خطاب کے دوران سر کے بالکل قریب کان کے اوپر والے حصے میں گولی لگ گئی۔ تاہم خوش قسمتی سے بندوق بردار نشانہ باز سر کو زخمی کرنے میں کامیاب نہ ہو سکا۔

اتوار کے روز امریکی خفیہ سروس کے ترجمان انتھونی گگلیلمی کی طرف سے سوشل میڈیا پلیٹ فارم ' ایکس ' کہا گیا ہے کہ یہ دعوی درست نہیں بلکہ بالکل غلط ہے۔

ترجمان نے مزید کہا ' ایجنسی نے مہم کے دوران سفری ٹیمپو کے حصے کے طور پر حفاظتی وسائل اور تکنیکی اعتبار سے تمام ضروری صلاحیتوں کو شامل کیا تھا۔' گویا کسی فرض سے کوتاہی کی نہیں کی گئی تھی۔