• صفحہ اول
• بين الاقوامى

بھارت میں ایک 31 سالہ ٹرینی ڈاکٹر کی عصمت دری اور قتل کے خلاف ملک بھر میں احتجاج کیا گیا ہے جس کے بعد ملک کی سپریم کورٹ نے منگل کے روز ڈاکٹروں کی ایک قومی ٹاسک فورس کے قیام کا حکم دیا ہے کہ وہ اپنے کام کی جگہ پر حفاظت کے بارے میں سفارشات پیش کرے۔

عدالت نے وفاقی پولیس سے کہا کہ وہ نو اگست کو مشرقی شہر کولکتہ کے ایک سرکاری ہسپتال میں زیرِ تربیت ڈاکٹر کے قتل کی تحقیقات کے بارے میں جمعرات کو رپورٹ پیش کرے۔

ملک بھر میں ڈاکٹروں نے احتجاجی مظاہرے کیے اور جرم کے بعد غیر ہنگامی مریضوں کو دیکھنے سے انکار کر دیا ہے جو کام کی ایک محفوظ جگہ اور جرم کے خلاف فوری تحقیقات کا مطالبہ کرنے کے لیے ان کی کارروائی کے حصہ ہے۔

ایک پولیس رضاکار کو گرفتار کر کے اس پر جرم کا الزام لگایا گیا ہے۔ خواتین کارکنان کہتی ہیں کہ واقعے نے اس بات پر روشنی ڈالی ہے کہ بھارت میں خواتین کس طرح جنسی تشدد کا شکار ہو رہی ہیں حالانکہ 2012 میں نئی دہلی میں چلتی بس میں 23 سالہ طالبہ کے ساتھ اجتماعی عصمت دری اور قتل کے بعد سخت قوانین نافذ کیے گئے۔