پینٹاگون
یونیفل اور لبنانی فوج کی سکیورٹی یقینی بنانا ضروری ہے: پینٹاگون
پینٹاگون کے ترجمان میجر جنرل پیٹ رائڈر نے تصدیق کی ہے کہ امریکی وزیر خارجہ لائیڈ آسٹن نے لبنانی مسلح افواج کے خلاف حملوں کی اطلاعات پر گہری تشویش کا اظہار کیا ہے۔ انہوں نے العربیہ انگلش سے گفتگو میں کہا کہ آسٹن لبنانی مسلح افواج اور یونیفل فورسز کی حفاظت اور سلامتی کو یقینی بنانے کے لیے تمام ضروری اقدامات کرنے کی اہمیت پر زور دیتے ہیں۔
یاد رہے اتوار کو لبنانی فوج نے اعلان کیا کہ جنوبی لبنان میں ایک فوجی گاڑی پر اسرائیلی حملے میں اس کے تین فوجی مارے گئے ہیں۔ آرمی کمانڈ نے وضاحت کی ہے کہ یہ تینوں فوجی اسرائیلیوں کی جانب سے ایک گاڑی کو نشانہ بنانے والے حملے میں مارے گئے ۔ اسرائیل نے 23 ستمبر سے جنوبی لبنان پر حملے تیز کر رکھے ہیں۔
ملک کے جنوب میں لبنانی فوج کے ارکان
دریں اثنا لبنانی وزارت خارجہ نے آج جنوب میں اقوام متحدہ کی عبوری افواج (UNIFIL) کی حمایت میں ایک مضبوط بین الاقوامی مؤقف کا مطالبہ کیا اور اسرائیل کو اس کے معاندانہ طرز عمل کو روکنے کا پابند بنانے کا مطالبہ بھی کیا۔
Your browser doesn’t support HTML5 video
واضح رہے یونیفل فورس میں 50 سے زیادہ ملکوں کے لگ بھگ 9500 فوجی شامل ہیں۔ یونیفل فورسز نے کہا ہے کہ اسرائیلی فورسز نے بار بار اور جان بوجھ کر ان پر حملے کیے ہیں۔ جبکہ اسرائیلی فوج کا کہنا تھا کہ وہ بین الاقوامی فورس کو نشانہ نہیں بنا رہی ہے۔ یونیفل فورس کو 1978 میں لبنان میں اسرائیلی فوجی آپریشن کے بعد جنوبی لبنان میں تعینات کیا گیا تھا۔