وسطی غزہ میں دیر البلاح میں یو این آر ڈبلیو اے کے زیر انتظام اسکول میں بے گھر افراد (ایجنسی فرانس پریس سے محفوظ شدہ دستاویزات)
اسرائیل کی جانب سے فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی ’انروا‘ پر اسرائیل کے اندر کام پر پابندی کے بعد اقوام متحدہ کے بچوں کے فنڈ ’یونیسیف‘ نے ان پابندیوں کوناروا اور غیرقانونی قرار دیتے ہوئے ان کی مذمت کی ہے۔
یونیسیف کے ایک ترجمان نے کہا کہ "انروا‘‘ کے بغیر ان کی تنظیم زندگی بچانے والے سامان تقسیم نہیں کر سکتی"۔ انہوں نے اس بات پر زور دیتے ہوئے کہا کہ اسرائیلی فیصلہ "بچوں کو مارنے" کے ایک نئے طریقے کی نمائندگی کرتا ہے۔
Your browser doesn’t support HTML5 video
غزہ کے لوگوں کے لیے بہت اہم
دوسری جانب انٹرنیشنل آرگنائزیشن فار مائیگریشن کی ڈائریکٹر ایمی پوپ نے زور دے کرکہا کہ یہ تنظیم فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی کے کام پر پابندی لگانے کے اسرائیلی فیصلے کے بعد بحرانوں کا سامنا کرنے والوں کے لیے اپنی مدد کو تیز کرنے کی خواہش مند ہے، لیکن وہیں تنظیم کے لیے غزہ میں UNRWA کی جگہ لینے کا "کوئی راستہ نہیں" ہے۔
انہوں نے صحافیوں سے بات کرتے ہوئے مزید کہا کہ’اونروا‘ غزہ کے لوگوں کے لیے بہت اہم ہے۔ میں کسی کے لیے یہ غلط تاثر نہیں چھوڑنا چاہتی کہ بین الاقوامی ادارہ برائے مہاجرین یہ کردار ادا کرنے کی اہلیت رکھتا ہے، کیونکہ ہم ایسا نہیں کر سکتے، لیکن ہم اس قابل ہیں۔ ان لوگوں کو مدد فراہم کریں جو اس وقت بحران کا سامنا کر رہے ہیں"۔
انہوں نے مزید کہا کہ "یہ ایک ایسا کردار ہے جسے ہم ادا کرنے کے بہت خواہش مند ہیں اور ہم اسے متعلقہ مختلف فریقوں کے تعاون سے مضبوط کریں گے"۔
خیال رہے کہ اتوار کے روز اسرائیلی پارلیمنٹ میں ’انروا‘ پراسرائیل کے اندر سرگرمیوں پر پابندی کا بل کثرت رائے سے منظور کرلیا گیا۔
غزہ میں انروا کا مرکز
جبکہ ’انروا‘ کے کمشنر جنرل فلپ لازارینی نے اس بل کی منظوری کو ایک "خطرناک نظیر" قرار دیتے ہوئے کہا کہ یہ فیصلہ اقوام متحدہ کے چارٹر سے متصادم ہے اور بین الاقوامی قانون کے تحت اسرائیل کی ذمہ داریوں کی خلاف ورزی کرتا ہے۔
لائف لائن
اپنی طرف سے ورلڈ ہیلتھ آرگنائزیشن کے ڈائریکٹر جنرل ٹیڈروس اذانوم گیبریئس نے اسرائیل کے "ناقابل قبول" فیصلے کی مذمت کرتے ہوئے خبردار کیا کہ اس فیصلے کے "سنگین نتائج" برآمد ہوں گے۔
انہوں نے کہا کہ یہ فیصلہ اسرائیل کی ذمہ داریوں کی انجام دہی سے متصادم ہے۔ انہوں نے اس بات پر زور دیتے ہوئے کہا کہ "یو این آر ڈبلیو اے فلسطینی عوام کے لیے ایک ناگزیر لائف لائن ہے"۔