• صفحہ اول
• بين الاقوامى

بھارت نے اتوار کے روز کہا ہے کہ اس نے مقامی طور پر تیار کردہ طویل فاصلے تک مار کرنے والے ہائپرسونک (آواز سے تیز رفتار) میزائل کا کامیاب تجربہ کیا ہے۔ یوں اس نے فوجی ترقی میں ایک اہم سنگِ میل حاصل کر لیا ہے جس سے وہ جدید ٹیکنالوجی کے حامل ممالک کے مختصر گروپ میں شامل ہو گیا ہے۔

بھارتی میزائل جسے ریاست کے زیرِ انتظام دفاعی تحقیق و ترقی کی تنظیم اور اس صنعت کے شراکت داروں نے تیار کیا ہے، کو مسلح افواج کے لیے 1,500 کلومیٹر (930 میل) سے زیادہ کی حدود تک جانے کے لیے ڈیزائن کیا گیا ہے۔ یہ بات حکومت نے ایک بیان میں کہی۔

نیز کہا گیا، "میزائل کی پرواز کے ڈیٹا سے کامیاب ٹرمینل مینیوور اور اعلیٰ درجے کی درستگی کے ساتھ اثرات کی تصدیق ہوئی۔"

بیان میں کہا گیا کہ میزائل کا آزمائشی تجربہ ہفتے کے روز ریاست اڈیشہ کے مشرقی ساحل پر واقع ڈاکٹر اے پی جے عبدالکلام جزیرے سے کیا گیا۔

بھارتی وزیرِ دفاع راج ناتھ سنگھ نے ایکس پر ایک پوسٹ میں اس تجربے کو ایک "تاریخی کامیابی" قرار دیا اور مزید کہا ہے کہ اس نے بھارت کو ایسی اہم اور جدید ٹیکنالوجیز کے حامل ممالک کے منتخب گروپ میں شامل کر دیا ہے۔