• صفحہ اول
• بين الاقوامى

ترکیہ میں استنبول کے مئیر کی گرفتاری کے اثرات ابھی تک سڑکوں پر نظر آرہے ہیں۔ اسی دوران استنبول کے زیر حراست میئر اکرم امام اولو نے انکشاف کیا ہے کہ ان کے وکیل کو بھی گرفتار کرلیا گیا ہے۔ اوگلو نے اپنے ’’ ایکس‘ذ اکاؤنٹ پر پوسٹ کی اور کہا کہ ایسا لگتا ہے کہ حکمران اتھارٹی کے "جھوٹ اور بہتان کی کوئی انتہا نہیں ہے"۔

’بغاوت ان کے لیے کافی نہیں تھی

اپوزیشن شخصیت اور موجودہ صدر رجب طیب ایردوان کے سخت ترین صدارتی حریفوں میں سے ایک نے کہا کہ خاص طور پر ان کی جماعت ریپبلکن پیپلز پارٹی کی جانب سے انہیں باضابطہ طور پر انتخابی دوڑ میں حصہ لینے کے لیے نامزد کرنے کے بعد "گویا جمہوریت کے خلاف بغاوت کافی نہیں تھی۔" انہوں نے ترک حکام پر الزام لگایا کہ وہ متاثرین کو عدلیہ کے سامنے اپنا دفاع کرنے سے روک رہے ہیں۔ انہوں نے اپنے وکیل کو فوری طور پر رہا کرنے کا مطالبہ کیا۔

گزشتہ اتوار کو متبادل فوجداری مجسٹریٹ عدالت نے استنبول کے میئر کو زیر التواء مقدمے کی سماعت کے دوران، 18 مشتبہ افراد کے ساتھ، بلدیہ کے خلاف حکام کی بدعنوانی کی تحقیقات کے ایک حصے کے طور پر، ایک ایسے اقدام میں قید کرنے کا حکم دیا جس نے ملک میں بڑے پیمانے پر احتجاج پیدا کردیا۔ تاہم پولیس نے کچھ مظاہرین کا سامنا کیا اور گزشتہ دنوں کے دوران صحافیوں سمیت سینکڑوں کو گرفتار کرلیا۔ ترکیہ میں حکومت نے سوشل میڈیا پر بھی پابندیاں عائد کیں اور اجتماعات اور احتجاج پر پابندی کا حکم جاری کر دیا ہے۔