• صفحہ اول
• بين الاقوامى

امریکی سلامتی سے متعلق کئی اعلیٰ حکام کو وائٹ ہاؤس سے برطرف کر دیا گیا ہے۔ اس معاملے سے جڑے تین مختلف ذرائع کے مطابق یہ فیصلہ جمعرات کے روز کیا گیا ہے۔

صدر ڈونلڈ ٹرمپ کے دوسرے دور صدارت کے دوران سلامتی سے متعلق اعلیٰ حکام کی برطرفی کا یہ پہلا بڑا واقعہ ہے۔ تاہم یہ ابھی واضح نہیں کیا گیا ہے کہ ان حکام کی فراغت عارضی ہے یا مستقل بنیادوں پر کی گئی ہے۔

دو ذرائع کا کہنا ہے کہ کئی حکام کو فارغ کرنے کے وقت بتایا گیا ہے کہ ان کی فراغت کا باعث ان کا پس منظر بنا ہے۔

جن امریکی حکام کو فارغ کیا گیا ہے ۔ ان میں نیشنل سیکیورٹی کونسل کے سینیئر حکام ڈیوڈ فیتھ، بریان والش بھی شامل ہیں۔ تاہم نیشنل سیکیورٹی کونسل کے حکام نے ان بر طرفیوں پر کوئی تبصرہ نہیں کیا ہے۔