حوثیوں کا میزائل یروشلم میں ناکارہ
اسرائیلی فوج نے اعلان کیا ہے کہ اس نے یمن سے آنے والے ایک ڈرون کو روک لیا ہے۔ اس دوران غزہ کی پٹی کے قریب کچھ اسرائیلی قصبوں میں سائرن بج اٹھے۔ فوج نے آج جمعرات کو ایک فوجی بیان میں وضاحت کی ہے کہ غزہ کی پٹی کے قریب آبادیوں میں ایک دشمن ڈرون کے داخل ہونے کی وجہ سے سائرن بجنے کے بعد فضائیہ نے یمن سے چھوڑے گئے ایک بغیر پائلٹ کے طیارے کو کامیابی سے روک لیا۔
Your browser doesn’t support HTML5 video
صنعاء پر بمباری
اس سے قبل گزشتہ بدھ کو علی الصبح اسرائیل نے یمن سے چھوڑے گئے ایک حوثی میزائل کو روکنے کا اعلان کیا تھا۔ حوثیوں کے فوجی ترجمان یحییٰ سریع نے ایک "خاص فوجی آپریشن" کی تصدیق کی ہے جس میں ان کے بقول "فلسطین 2" قسم کے ہائپرسونک بیلسٹک میزائل سے قابض یافا کے علاقے میں لد ہوائی اڈے کو نشانہ بنایا گیا۔ یہ واقعہ اسرائیلی فوج کی جانب سے چند دن قبل یمن کے دارالحکومت صنعاء میں حوثی اہداف پر بمباری کے بعد پیش آیا۔