• صفحہ اول
• بين الاقوامى

برطانوی اخبار ڈیلی ٹیلی گراف کو ایک انٹرویو کے مطابق امریکی صدر ڈونلڈ ٹرمپ نے کہا ہے کہ اتحادیوں کی جانب سے ایران کے خلاف امریکی فوجی کارروائی کی حمایت میں ناکامی کے بعد وہ امریکہ کے نیٹو سے اخراج پر سنجیدگی سے غور کر رہے ہیں۔

اخبار کی رپورٹ کے مطابق ٹرمپ نے اتحاد کو "کاغذی شیر" قرار دیا اور کہا ہے کہ امریکہ کو دفاعی معاہدے سے اخراج پر اب "نظرِ ثانی کرنے کی ضرورت نہیں"۔ انہوں نے کہا کہ وہ طویل عرصے سے نیٹو کی معتبریت کے بارے میں شکوک و شبہات کا شکار تھے۔

کیا وہ تنازعے کے بعد اتحاد کی امریکی رکنیت پر نظرِ ثانی کریں گے، اس سوال کے جواب میں ٹرمپ نے اخبار کو بتایا، "اوہ ہاں، میں کہوں گا کہ [یہ] نظرِ ثانی سے بالاتر ہے۔"

نیز کہا، "میں کبھی بھی نیٹو سے متأثر نہیں ہوا۔ میں ہمیشہ سے یہ جانتا تھا کہ وہ کاغذی شیر ہیں اور ویسے پوتین بھی یہ جانتے ہیں۔"