اسرائیلی وزیر اعظم نیتن یاہو نے فون پر ہونے والی بات چیت میں طے کیا ہے کہ نیتن یاہو جلد صدر ٹرمپ سے ملاقات کے لیے امریکہ جائیں گے۔ مشرق وسطیٰ کے لیے دو بڑے اتحادیوں کے درمیان فون پر تبادلہ خیال جمعہ کے روز ہوا ہے۔ یہ بات اسرائیلی وزیر اعظم کے دفتر کی طرف سے بتائی گئی ہے۔
دونوں غیر معمولی اہم اتحادیوں نے حال ہی میں مشترکہ طور پر مشرق وسطیٰ میں ایک غیر معمولی جنگ لڑی ہے۔ اس جنگ کو نیتن یاہو کے مطابق راستے میں چھوڑ دیا گیا ہے اور اس سے منطقی نتائج حاصل نہ کر کے امریکی صدر نے درست نہیں کیا۔ اس معاملے میں دونوں کے درمیان نکتہ نظر کے اختلاف کی خبریں بھی میڈیا میں آتی رہی ہیں۔
نیتن یاہو نے صدر ٹرمپ سے ہونے والی بات چیت میں کہا امریکہ کو وہ عالمی سطح پرآزادی کے لیے ایک ضامن کے طور پر دیکھتے ہیں۔ اس سلسلے میں اسرائیل امریکہ کا مداح ہے۔ دونوں ملکوں کے درمیان تعلق کی غیر معمولی نوعیت کا اعتراف دنیا بھر میں کیا جاتا ہے۔ ان کے اس تعلق اور باہمی اتحاد کی مشرق وسطیٰ کے لیے اہمیت غیر معمولی ہے۔
وزیر اعظم نیتن یاہو نے فون پر ہونے والی بات چیت میں اسرائیل کے لیے امریکی کردار کی تعریف کی ہے اور دونوں رہنماؤں نے جلد امریکہ میں ملاقات پر اتفاق کیا ہے۔
اسرائیلی وزیر اعظم کے دفتر سے جاری کیے گئے بیان کے مطابق نیتن یاہو نے صدر ٹرمپ کو امریکی آزادی کی 250 ویں سالگرہ مبارک باد بھی دی ہے۔
باہم انتہائی اہم اتحادی ہونے اور مل کر جنگیں لڑنے کے باوجود حالیہ ہفتوں میں نیتن یاہو پر عوامی سطح پر تنقید کی ہے۔ اس کی ایک وجہ اسرائیل کی لبنان میں بے مہار جنگ بھی بنی ہے۔