• صفحہ اول
• بين الاقوامى

سعودی وزیر خارجہ شہزادہ فیصل بن فرحان نے کینیا کے وزیر اعظم اور وزیر خارجہ ڈاکٹر موسالیا مودافادی کا استقبال کیا ہے۔ استقبالیہ کے بعد فریقین نے سعودی- کینیا سیاسی مشاورتی کمیٹی کا پہلا اجلاس منعقد کیا۔

اس کا مقصد دوطرفہ تعلقات کو فروغ دینا اور ان کے درمیان ہم آہنگی اور مشاورت کی سطح کو بلند کرنا ہے تاکہ ان کے مشترکہ مفادات کو پورا کیا جا سکے اور خطے کے امن و استحکام کو مدد مل سکے۔

دونوں ممالک نے مختلف شعبوں میں مفاہمت کی 3 یادداشتوں پر دستخط کیے۔ پہلی یادداشت براہ راست سرمایہ کاری کی حوصل افزائی کے شعبے میں تھی جس پر سعودی جانب سے سعودی وزیر سرمایہ کاری فہد السیف نے اور کینیا کی جانب سے وزیر اعظم اور وزیر خارجہ ڈاکٹر موسالیا مودافادی نے دستخط کیے۔

دوسری یادداشت کسٹمز کے معاملات میں تعاون اور باہمی تعاون سے متعلق مفاہمت کی یادداشت پر مشتمل تھی جس پر سعودی جانب سے زکوٰۃ، ٹیکس اور کسٹمز اتھارٹی کے گورنر انجینئر سہیل ابانمی نے اور کینیا کی جانب سے وزیر اعظم اور وزیر خارجہ ڈاکٹر موسالیا مودافادی نے دستخط کیے۔

تیسری یادداشت سعودی ایکسپورٹ امپورٹ بینک اور کینیا ڈویلپمنٹ کارپوریشن کے درمیان مفاہمت پر مشتمل تھی جس پر سعودی جانب سے سعودی ایکسپورٹ امپورٹ بینک کے چیف ایگزیکٹو آفیسر انجینئر سعد الخلب نے اور کینیا کی جانب سے کینیا ڈویلپمنٹ کارپوریشن کی ڈائریکٹر جنرل ڈاکٹر نورا راتیمو نے دستخط کیے۔

اس کے ساتھ ہی کینیا کے کارکنوں کی بھرتی اور ملازمت سے متعلق ایک معاہدے پر بھی دستخط کیے گئے جس پر سعودی جانب سے لیبر سیکٹر کے لیے انسانی وسائل اور سماجی ترقی کے نائب وزیر ڈاکٹر عبداللہ بن ناصر ابو ثنین نے اور کینیا کی جانب سے وزیر محنت اور سماجی تحفظ ڈاکٹر الفریڈ نگانگا موتوا نے دستخط کیے۔