08f20af7-fd89-4f6f-a924-4b7a34895c8b
سعودی عرب کا نجران میں نئی تفریحی منزل کے آغاز کا اعلان
نجران میں تیار کردہ تفریحی منزل کا رقبہ تقریباً 1 لاکھ مربع میٹر پرمحیط
سعودی عرب کی جنرل انٹرٹینمنٹ اتھارٹی کے بورڈ آف ڈائریکٹرز کے چیئرمین ترکی آل الشیخ نے اعلان کیا ہے کہ اگلے برس سنہ 2027ء میں سعودی عرب کے انتہائی جنوب میں واقع شہر نجران میں ایک نئی تفریحی منزل کا آغاز کیا جائے گا۔
یہ نئی تفریحی منزل ایک لاکھ مربع میٹر کے رقبے پر محیط ہوگی اور یہ تفریحی تجربات، ریستورانوں اور مختلف سرگرمیوں کا ایک امتزاج پیش کرے گی۔
ترکی آل الشیخ نے ’ایکس‘پلیٹ فارم پر اپنے ایک بیان میں لکھاکہ "میں خادم حرمین شریفین شاہ سلمان بن عبدالعزیز اور ولی عہد، ہمارے متاثر کن رہنما اور ویژن کے معمار شہزادہ محمد بن سلمان کا تہہ دل سے شکریہ ادا کرتا ہوں کہ انہوں نے انٹرٹینمنٹ کے شعبے کی لامحدود حمایت کی اور نجران کے قلب میں ایک لاکھ مربع میٹر رقبے پر محیط ایک غیر معمولی منزل کے آغاز کے لیے اپنی نیک خواہشات کا اظہار کیا، جو تفریحی تجربات، ریستورانوں اور نمایاں سرگرمیوں کا مرکز ہوگی"۔
اگلے برس کھلنے والی یہ منزل خطے کے رہائشیوں اور سیاحوں کے لیے تفریحی مواقع فراہم کرے گی، جس میں ریستوران، پرکشش تفریحی مقامات کے ساتھ ساتھ غیر معمولی تجربات، سینما ہال اور تھیٹر کے ڈرامے بھی شامل ہوں گے۔