• صفحہ اول
• مشرق وسطی

سعودی عرب میں کنگ سلمان ہیومنیٹیرین ایڈ اینڈ ریلیف سینٹر نے اعلان کیا ہے کہ مملکت نے اپریل 2015 سے اب تک یمن کو 8.2 ارب ڈالر بطور امداد پیش کیے ہیں۔

شاہ سلمان مرکز کے ترجمان نے پیر کے روز دارالحکومت ریاض میں ایک پریس کانفرنس میں بتایا کہ "ہم نے یمن میں بچوں کے لیے 80 سے زیادہ منصوبوں کے لیے سپورٹ پیش کی"۔

مرکز کی جانب سے یہ باور کرایا گیا ہے کہ امداد کا کافی سارا حصہ حوثیوں کے زیر قبضہ علاقوں میں موجود یمنی شہریوں تک پہنچایا گیا۔ مرکز کے مطابق یمنی باغی ملک میں پھیلی ہیضہ کی وبا کو سیاسی کارڈ کے طور پر استعمال کر رہے ہیں۔

ترجمان نے واضح کیا کہ شاہ سلمان مرکز نے یمن میں ہیضے کی وبا کا مقابلہ کرنے کے واسطے 6.67 کروڑ ڈالر پیش کیے۔