• صفحہ اول
• مشرق وسطی

ملائیشیا کے بادشاہ سلطان محمد پنجم کی روس کی سابق ملکہ حسن اوکسانا ویویڈینا کے ساتھ شادی نے عالمی میڈیا کی توجہ حاصل کر لی ہے۔ اوکسانا نے 2015ء میں ماسکو میں ملکہ حسن کا ٹائٹل اپنے نام کیا تھا۔

شادی کی تقریب 22 نومبر کو ماسکو کے مشہور BARVICHA CONCERT HALL میں منعقدہ ہوئی۔ اس عظیم الشان تقریب میں ملائیشیا کے سلطان اپنے قومی لباس میں موجود تھے جب کہ دلہن اوکسانا نے روس کا روایتی عروسی ملبوس زیب تن کیا ہوا تھا۔

ملائیشیا کے میڈیا کے مطابق اوکسانا نے سلطان محمد پنجم کی اہلیہ بننے کے لیے تقریبا چھ ماہ قبل اسلام قبول کر لیا تھا۔ تاہم وہ کبھی بھی ملک کی ملکہ نہیں بن سکتیں کیوں کہ ملکہ کا خطاب حاصل کرنے کے لیے ملائیشیا کی حقیقی آبادی سے تعلق ہونا لازم ہے۔

ملائیشیا کے سلطان پہلے سے شادی شدہ ہیں تاہم ان کی کوئی اولاد نہیں ہے۔