• صفحہ اول
• مشرق وسطی

سوشل میڈیا پر اردن کے فرماں روا شاہ عبداللہ دوم کا ایک وڈیو کلپ وائرل ہو رہا ہے جس میں وہ دارالحکومت عمان کی ایک سڑک پر اپنی گاڑی سے اتر کر چلتے پھرتے نظر آ رہے ہیں۔

شاہ عبداللہ دوم نے اتوار کے روز ایک چورنگی پر متعدد لوگوں کو حیران کر دیا۔ اردن کے فرماں روا نے ٹریفک پولیس کی خواتین اہل کاروں اور صفائی کرنے والے ورکر سے مصافحہ کیا اور لگن کے ساتھ کام کرنے پر ان کی تعریف کی۔

گاڑی میں واپس بیٹھنے سے پہلے شاہ عبداللہ نے مذکورہ افراد کے ساتھ یادگاری تصویر بھی بنوائی۔

سوشل میڈیا پر لوگوں کی ایک بڑی تعداد نے اردن کے فرماں روا کی تواضع اور اپنے ہم وطنوں کے لیے سپورٹ کو پسند کیا۔