• صفحہ اول
• مشرق وسطی

سعودی عرب میں حج اور عمرے کی وزارت کی جانب سے اعلان میں بتایا گیا ہے کہ حج سیزن کے بعد سے رواں ماہ 12 ربیع الاول تک عمرے کے 1,050,665 ویزے جاری کیے گئے۔ اس عرصے میں 838,464 معتمرین مملکت پہنچے جب کہ فی الوقت مملکت میں موجود معتمرین کی تعداد 298,002 ہے۔

یاد رہے کہ وزارت حج و عمرہ نے "مقام" کے نام سے بکنگ کے مرکزی نظام کی ویب سائٹ متعارف کرائی ہے۔ یہ نظام خدمات فراہم کرنے والی عمرہ کمپنیوں، ہوٹلوں اور ٹرانسپورٹ کمپنیوں کو معتمرین اور مسجد نبوی کے زائرین کے ساتھ سفر کے عالمی پلیٹ فارموں کے ذریعے براہ راست معاہدے کا موقع فراہم کرتا ہے۔ اس کا مقصد فریقین کے حقوق کا تحفظ اور ان کے درمیان خدمات کو جانچ اور شفافیت کی اعلی ترین سطح پر پہنچانا ہے۔

مذکورہ "گلوبل ڈسٹری بیوشن سسٹم" وزارت حج و عمرہ اور وزارت خارجہ کو نیشنل انفارمیشن سینٹر کے ساتھ مربوط کرتا ہے تا کہ کاغذی کارروائی کے بغیر الکٹرونک ویزوں کا اجرا عمل میں آ سکے۔

معتمرین کے مملکت میں داخلے کی تفصیلات :

فضائی راستے سے : 806,251

زمینی راستے سے : 32,210

سمندری راستے سے : 3

عمرہ ادا کر کے کوچ کر جانے والے معتمرین کی تعداد : 540,462

مملکت میں موجود معتمرین کی تعداد : 298,002