• صفحہ اول
• مشرق وسطی

متحدہ عرب امارات کے ایک سرمایہ کار علی خان نے معاشرے میں کرونا ویکسین لگوانے کی اہمیت اجاگر کے غرض سے ویکسین کی مطلوبہ خوراک لگوانے والوں کو مفت کافی کی پیشکش کی ہے۔

مقامی میڈیا رپورٹس کے مطابق علی خان کی یہ پیشکش ایک ماہ کے لیے ہے۔ دبئی کے ’ند الحمر علاقے میں کیفے ریسٹریٹو عوام میں بے حد مقبول ہے۔ صارفین نے علی خان کی اس پیشکش پر غیر معمولی پسندیدگی کا اظہار کیا ہے۔

دبئی کے کئی اور ریستوران بھی کرونا ویکسین لگوانے والے صارفین کے لیے رعایتی پیشکشیں کررہے ہیں۔ کرونا ویکسین کی پہلی خوراک لینے والوں کو ڈنر کے لیے دس اور دوسری خوراک لینے والوں کو بیس فیصد رعایت کی پیشکش کی جا رہی ہے۔

اس پشکش سے فائدہ اٹھانے کے لیے کرونا ویکسین لگوانے کا ثبوت جیسے میڈیکل سرٹیفکیٹ دکھانا ضروری ہے۔