• صفحہ اول
• مشرق وسطی

طائف گورنریٹ پولیس نے 4 شہریوں کو ایک دوسرے پر حملہ کرنے کے الزام میں گرفتار کر لیا۔ پولیس نے بتایا ہے کہ جھگڑا کرنے والے افراد کو گرفتار کرکے اور ضروری ضابطہ کی کارروائی کرکے ان سب کو پبلک پراسیکیوشن کے حوالے کردیا گیا ہے۔ اس نے مزید کہا کہ اس سلسلہ میں آڈیو اور ویڈیو مواد شائع کرنے والوں کو اینٹی سائبر کرائم قانون کی خلاف ورزی کرنے پر گرفتار کیا جا رہا ہے۔

اس سے قبل سوشل میڈیا پر ایک ویڈیو کلپ گردش کرتا رہا جس میں طائف کی ایک شاہراہ پر نوجوانوں کے ایک گروپ کے درمیان پرتشدد گروہی جھگڑے کی منظر کشی کی گئی تھی۔ ویڈیو میں سفید لباس میں ملبوس نوجوانوں کے ایک گروپ کو سڑک کے بیچ میں سیاہ لباس میں ملبوس ایک اور ٹیم کے ساتھ بحث کرتے ہوئے دکھایا گیا۔ اس جگہ پر کئی کاریں بھی کھڑی دکھائی دیں۔

ویڈیو میں دکھایا گیا کہ سفید کپڑوں میں ملبوس افراد موٹی لاٹھیوں اور بیلچے سے ایک دوسرے سیاہ لباس پہنے ہوئے شخص کو مار رہے ہیں۔ اس جھگڑے سے راہگیروں میں خوف و ہراس کی کیفیت پیدا ہوگئی اور ٹریفک میں خلل پڑا جب کہ کوئی جانی نقصان نہیں ہوا۔