لیبیا میں سیلاب کی تباہ کاریاں: شیرخوار لخت جگر کا لاشہ دیکھ کر والد صدمے سےنڈھال
لیبیا میں تباہ کن طوفان کی وجہ سے ہرطرف موت کا ننگا ناچ جاری ہے۔ سوشل میڈیا پر ایسے بھیانک مناظر ہیں کہ انہیں دیکھ کرلوگوں کے ہوش اڑ جاتے ہیں۔
سوشل میڈیا پر پوسٹ کردہ ایک ویڈیو میں امدادی کارکنوں کو ایک شیرخوار کی لاش نکالتے اور اس کے والد کے حوالے کرتے دیکھا جا سکتا ہے۔ شیرخوار کا والد اپنے لخت جگرکا لاشہ دیکھ کرآہ وبکاہ کرنے لگا اور صدمے سے نڈھال ہوگیا۔
Your browser doesn’t support HTML5 video
مکان کے ملبے تلے دبے بچے کو بچانے کی کوشش کے دوران سب اس کے زندہ ہونے کی امید لگائے بیٹھےتھے مگر بچہ دم توڑ چکا تھا۔
مشرقی لیبیا کے شہروں میں آنے والے سیلاب کے نتیجے میں ہزاروں افراد ہلاک اور ہزاروں لاپتہ ہیں۔ سب سے زیادہ ہلاکتیں درنہ شہر میں ہوئیں جہاں پر امدادی کارکنوں کو ملبہ ہٹانے میں دشواری کا سامنا ہے۔
قابل ذکر ہے کہ درنہ شہر میں تقریباً 100,000 افراد رہائش پذیر تھے۔ تباہ کن اور طوفانی سیلابی ریلے سے شہر کا بیشتر حصہ تباہ ہوگیا۔