Saudi Aid to Gaza
سعودی عرب کے شہریوں کی جانب سے غزہ کے مظلوم فلسطینی بھائیوں کے لیے دل کھول کر امداد دی ہے اور عطیات جمع کرنے کا سلسلہ جاری ہے۔ ’ساھم‘ پلیٹ فارم کے ذریعے جمع کیے گئے عطیات کی مالیت 632 ملین ریال سے تجاوز کر چکے ہیں۔
اس مہم کے تحت اب تک کل عطیات کی رقم 632,158,404 ریال تک پہنچ گئی ہے جس میں مسلسل اضافہ ہو رہا ہے۔ مہم میں اب تک حصہ لینے والے عطیہ دہندگان کی کل تعداد 1,765,178 تک پہنچ گئی ہے۔
قابل ذکر ہے کہ خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان بن عبدالعزیز آل سعود کی ہدایات پر عمل درآمد کرتے ہوئےشاہ سلمان ریلیف سینٹر نے غزہ کی پٹی میں فلسطینی عوام کو ریلیف فراہم کرنے کے لیے "ساہم" پلیٹ فارم کے ذریعے عطیات کے حصول کی مہم کا آغاز کیا ہے۔
عطیات کنگ سلمان ریلیف سینٹر کے "ساہم" پلیٹ فارم کے ساتھ ساتھ "ساہم" ایپلیکیشن یا مہم کے لیے متعین متحدہ بینک اکاؤنٹ کے ذریعے، یا مرکز کی ویب سائٹ پر دستیاب متعدد عطیہ چینلز کے ذریعے جمع کیے جا رہے ہیں۔