• صفحہ اول
• مشرق وسطی

ایک حساس وقت میں لبنان میں جنگ بندی کے حصول کے لیے امریکی-فرانسیسی کوششوں کے جلو میں ایرانی پارلیمنٹ (شوریٰ کونسل) کے اسپیکر محمد باقر قالیباف بیروت پہنچے ہیں۔

انہوں نے مختصر بیانات میں کہا کہ وہ اپنے لبنانی ہم منصب نبیہ بری کی دعوت پر آئے ہیں جنہیں حزب اللہ نے اسرائیل کے ساتھ جنگ بندی کے لیے بین الاقوامی کوششوں کو آگے بڑھانے کا اختیار دیا تھا۔

انہوں نے مزید کہا کہ وہ بری کے ساتھ بات چیت کریں گے اور ایرانی رہبر علی خامنہ ای کا پیغام لبنانی حکام تک پہنچائیں گے۔ انہوں نے کہا کہ تہران لبنان اور اس کے عوام کے ساتھ کھڑا ہے۔

امکان ہے کہ قالیباف بیروت کے دورے کے بعد بین الپارلیمانی یونین کے سربراہ اجلاس میں شرکت کے لیے جنیوا روانہ ہوں گے۔

بین الاقوامی تحریک

سینیر ایرانی عہدیدار باقر قالیباف کا بیروت کا اچانک دورہ ایک ایسے وقت میں ہوا ہے اسرائیل نے خبردار کیا ہے کہ وہ ایران سے حزب اللہ کو ہتھیاروں کی فراہمی میں استعمال ہونے والے کسی بھی طیارے کو بیروت ہوائی اڈے پر نہیں اترنے دیں گے۔

دوسری جانب لبنان میں نئے صدر کے انتخاب کے لیے عالمی سطح پر کوششیں تیز ہوگئی ہیں۔ ان کوششوں کا مقصد لبنان میں کسی غیر جانب دار شخصیت کا صدر کا عہدہ سنھبالنے کی راہ ہموار کرنا ہے۔

لبنانی حکومت، امریکہ اور فرانس کے درمیان فریقین اور اسرائیل کے درمیان جنگ بندی کے لیے کوششیں بھی جاری ہیں۔

حزب اللہ نے گزشتہ چند دنوں میں اپنے کئی عہدیداروں کے ذریعے اس بات کا عندیہ دیا کہ وہ جنگ بندی کی حمایت کرتی ہے۔