اسرائیل کا بیروت ہوائی اڈے سے اسلحہ کی نقل وحمل میں ملوث حزب اللہ جنگجو کوقتل کرنےکا دعویٰ
اسرائیل نے لبنان میں حزب اللہ کے ایک جنگجو کو ہلاک کرنے کا دعویٰ کرتے ہوئے کہا ہے کہ مقتول جنگجو بیروت ہوائی اڈے سے اسلحہ کی نقل وحمل میں ملوث تھا۔
جنوبی لبنان پر شروع ہونے والے پرتشدد حملوں کے درمیان اسرائیلی فوج نے حزب اللہ کے یونٹ 4400 کے ڈپٹی کمانڈر حسن علی نصر کو ہلاک کرنے کا اعلان کیا۔
فوج کے ترجمان ’اویچائی ادرعی‘ نے ٹویٹ کیا کہ حسن علی نصر نے حزب اللہ کی عسکری صلاحیتوں کو دوبارہ بنانے کے لیے اسلحہ اور رقم لبنان میں اسمگل کرنے کا کام کیا"۔
Your browser doesn’t support HTML5 video
انہوں نے مزید کہا کہ اس فریم ورک کے اندر ایرانی جماعتوں نے بیروت انٹرنیشنل ایئرپورٹ کے ذریعے ہتھیاروں اور رقم کی لبنان منتقلی پر زور دیا تھا۔
انہوں نے کہا کہ "نصر کے ہوائی اڈے کے کارکنوں سے رابطے تھے جو خفیہ طور پر حزب اللہ کے لیے کام کرتے ہیں اور اسمگلنگ کی کارروائیوں میں مدد کرتے ہیں"۔
اسرائیلی فوج نے کہاکہ "شام-لبنانی سرحد پر ہتھیاروں کے اسمگلروں کو ہتھیار فروخت کرنے کے سودوں کی نگرانی کی۔ وہ حزب اللہ کے ہتھیاروں کی کارروائیوں کو زیادہ وسیع پیمانے پر منظم کرنے میں بھی شامل تھا"۔