سعودی وزیرِ دفاع شہزادہ خالد بن سلمان 28 ستمبر 2022 کو ریاض، سعودی عرب میں وزارتِ دفاع میں فوجی حکام کے ساتھ اپنی اولین میٹنگ کی صدارت کر رہے ہیں۔ (رائٹرز)
سعودی وزیرِ دفاع کو ایرانی مسلح افواج کے سربراہ کا فون
دو طرفہ دفاعی تعلقات اور سلامتی و استحکام پر تبادلۂ خیال
سعودی پریس ایجنسی (ایس پی اے) نے اتوار کے روز اطلاع دی کہ سعودی عرب کے وزیرِ دفاع شہزادہ خالد بن سلمان کو ایرانی مسلح افواج کے سربراہ عبدالرحیم موسوی کا فون آیا۔
ایس پی اے کی رپورٹ میں کہا گیا ہے کہ "کال کے دوران انہوں نے دفاعی شعبے میں دو طرفہ تعلقات کا جائزہ لیا اور علاقائی پیش رفت کے ساتھ ساتھ سلامتی و استحکام برقرار رکھنے کی کوششوں پر تبادلۂ خیال کیا۔"
ایرانی مسلح افواج کے نئے سربراہ موسوی نے محمد باقری کی جگہ لی ہے جو اس ماہ کے شروع میں ایران کے ساتھ تنازعہ کے دوران اسرائیلی حملوں میں ہلاک ہو گئے تھے۔
ایران اور اسرائیل کے درمیان تنازع گذشتہ ہفتے امریکی صدر ڈونلڈ ٹرمپ کے اس اعلان کے بعد ختم ہو گیا کہ وہ جنگ بندی پر رضامند ہو گئے تھے۔