• صفحہ اول
• مشرق وسطی

شامی وزیرِ دفاع مرہف ابو قصرہ نے اعلان کیا ہے کہ شامی فوجی افسران کو سعودی عرب اور ترکیہ کی فوجی اکیڈمیوں میں بھیجنے کا عمل شروع کر دیا گیا ہے۔

وزیرِ دفاع ابو قصرہ نے کہا کہ یہ اقدام اکیڈمک اور عسکری تعاون، صلاحیتوں کے فروغ اور جدید اسلحہ جاتی نظاموں اور جدید جنگی طریقوں سے واقف ماہر افرادی قوت تیار کرنے کے مقصد سے کیا جا رہا ہے۔

اسی سلسلے میں شامی وزیرِ دفاع نے سعودی عرب اور ترکیہ کے تعاون کو سراہا اور کہا کہ دونوں ممالک نے وزارتِ دفاع کے وفود کی میزبانی کے دوران تجربات کے تبادلے اور صلاحیتوں کی ترقی کے لیے بھرپور دل چسپی کا مظاہرہ کیا۔