Palestinian artists work on a mural painting representing the Global Sumud Flotilla bound for Gaza, as a gift of appreciation for the activists who were aboard, in Deir el-Balah in the central Gaza Strip on October 3, 2025. (AFP)
فلسطینی حامی فلوٹیلا کا غزہ کے لیے نئے مشن کا اعلان
گذشتہ سال کے فلوٹیلا کو روک کر کارکنان کو حراست میں لے لیا گیا تھا
فلسطینی حامی کارکنان کے جس فلوٹیلا نے گذشتہ سال غزہ پہنچنے کی کوشش کی تھی، وہ اگلے ماہ دوبارہ محصور علاقے کے لیے روانہ ہو گا، فلوٹیلا ایک رکن نے جمعہ کو اے ایف پی کو بتایا۔
گلوبل صمود فلوٹیلا نے کہا کہ 29 مارچ کے لیے مقرر کردہ نیا مشن "فلسطین کے لیے تاریخ کی سب سے بڑی منظم انسانی مداخلت" ہو گا اور اس میں"100 سے زائد ممالک کے ہزاروں افراد" شریک ہوں گے۔
برازیلی کارکن تھیاگو ایویلا نے اے ایف پی کو بتایا، "ہم بارسلونا، تیونس، اٹلی اور کئی دوسری بندرگاہوں سے سفر کریں گے جو تاحال منظرِ عام پر نہیں آئی ہیں۔"
گروپ نے کہا کہ ایک سمندری قافلہ بھی اسی دن غزہ کے لیے روانہ ہو گا لیکن یہ نہیں بتایا کہ کہاں سے ہو گا۔
مہم کاروں نے گذشتہ اکتوبر میں غزہ کو سمندری راستے سے امداد پہنچا کر اسرائیلی ناکہ بندی توڑنے کی کوشش کی تھی جنہیں اسرائیل نے روکا، حراست میں لے لیا اور ملک بدر کر دیا تھا۔
اسرائیل غزہ کی سرحدیں کا کنٹرول اور علاقے میں آنے والی تمام امداد کی جانچ پڑتال کرتا ہے۔
کارکنان اپنے اقدامات کو "نسل کشی، محاصرے، وسیع فاقہ کشی اور غزہ میں شہریوں کی زندگی تباہ کرنے کے خلاف ایک غیر متشدد عمل" قرار دیتے ہیں۔