The Patriot system is pictured at a Turkish military base in Kahramanmaras January 31, 2013. A second pair of Patriot missile batteries being sent by NATO countries to defend Turkey against possible attack from Syria are now operational, a German security official said on Tuesday. The United States, Germany and the Netherlands each committed to sending two batteries and up to 400 soldiers to operate them after Ankara asked for help to bolster its air defences against possible missile attack from Syria. The two German batteries, which have been deployed around the Turkish city of Kahramanmaras some 100 km (60 miles) from the Syrian border, were in position and ready to use as of late Monday, the German security official said. REUTERS/Murad Sezer (TURKEY - Tags: POLITICS MILITARY)
انقرہ: ایران کے تازہ ترین میزائل حملے کے بعد وسطی ترکی میں پیٹریاٹ ڈیفنس سسٹم تعینات
ترکی نے منگل کو کہا ہے کہ ملک کے مرکز میں پیٹریاٹ میزائل دفاعی نظام تعینات کیا جا رہا ہے۔ نیٹو نے ترک فضائی حدود میں ایران سے داغا گیا دوسرا بیلسٹک میزائل روک لیا جس کے ایک دن بعد یہ پیش رفت ہوئی ہے۔
وزارتِ دفاع نے ایک بیان میں کہا، "ہماری سرحدوں اور فضائی حدود کی حفاظت کے لیے ضروری اقدامات کیے جا رہے ہیں اور نیٹو اور اپنے اتحادیوں سے مشاورت کی جا رہی ہے۔ قومی سطح پر ہمارے کیے گئے اقدامات کے علاوہ نیٹو نے اپنے فضائی اور میزائل دفاعی اقدامات کو مضبوط کیا ہے"۔
نیز کہا، "اس دائرہ کار کے اندر ہماری فضائی حدود کی حفاظت کے لیے تفویض کردہ ایک پیٹریاٹ سسٹم ملطیہ میں تعینات کیا جا رہا ہے۔"
وسطی ترکی میں واقع ملطیہ کورہ جیک فضائی مرکز کے مقام کے طور پر معروف ہے۔ امریکی فوجیوں کے زیرِ انتظام اس اہم فوجی سہولت میں نیٹو کا ابتدائی انتباہی ریڈار سسٹم ہے جو ایرانی میزائل حملوں کا سراغ لگا سکتا ہے۔
اگرچہ انقرہ نے واضح طور پر اس بات کی تردید کی ہے کہ ریڈار ڈیٹا کبھی بھی اسرائیل کی مدد کے لیے استعمال ہوا ہے لیکن اس کی موجودگی نے تہران کو ہلا دیا ہے۔
یہ تعیناتی نیٹو کی جانب سے دوسرا ایرانی میزائل مار گرانے کے ایک دن بعد سامنے آئی ہے۔ اس حملے سے واشنگٹن نے جنوبی شہر آدانا میں اپنا قونصل خانہ بند کر دیا اور تمام امریکی شہریوں کے جنوب مشرقی ترکی چھوڑ دینے پر زور دیا ہے۔
کورہ جیک کے علاوہ امریکی فوجی آدانا سے صرف 10 کلومیٹر (چھے میل) کے فاصلے پر واقع نیٹو کی ایک اور اہم تنصیب انجرلیک فضائی مرکز پر بھی تعینات ہیں۔
کورہ جیک شمال مشرق میں مزید 350 کلومیٹر کے فاصلے پر واقع ہے۔
پانچ دنوں کے دوران دو میزائل حملوں کے علاوہ بظاہر ترکی کافی حد تک ایرانی حملوں سے بچا رہا ہے۔
چار مارچ کو ترکی کی فضائی حدود میں پہلا بیلسٹک میزائل مار گرانے کے بعد نیٹو نے کہا کہ اس نے "اتحاد کے لحاظ سے اپنی بیلسٹک میزائل دفاعی پوزیشن" مضبوط کر لی تھی لیکن آپریشنل سکیورٹی وجوہات کی بنا پر اس نے کوئی تفصیلات نہیں بتائیں۔
کورہ جیک اور انجرلیک مراکز ترکی کے لیے ایک گہرا حساس مسئلہ ہیں اور ایرانی حملے شروع ہونے کے چند گھنٹے بعد انجرلیک کے قریب فوٹیج فلمانے پر پولیس نے تین صحافیوں کو "قومی سلامتی کے جرائم" کے الزام میں گرفتار کر لیا۔