• صفحہ اول
• مشرق وسطی

سعودی پرو لیگ فٹ بال کلب الاہلی نے ہفتے کے روز اعلان کیا کہ الجزائر کے بین الاقوامی کھلاڑی ریاض محرز نے تین سیزن کے بعد کلب چھوڑ دیا۔

"آپ کا شکریہ، ریاض محرز۔ تین ناقابلِ فراموش سال۔۔ آپ ہمیشہ الاہلی کے حامیوں کی یادوں میں رہیں گے،" کلب نے ایکس پر کہا۔

ونگر محرز نے تمام مقابلوں میں الاہلی کے لیے 122 میچز کھیلے، 37 گول کیے اور 46 اسسٹ فراہم کیے۔ انہوں نے کلب کے ساتھ یکے بعد دیگرے اے ایف سی چیمپئنز لیگ ایلیٹ ٹائٹل جیتے۔

قبل ازیں ہفتے کے روز الجزائر کی فٹ بال فیڈریشن نے 35 سالہ کھلاڑی کو بین الاقوامی فٹ بال سے 12 سال بعد ریٹائرمنٹ کا اعلان کرنے پر خراج تحسین پیش کیا۔

فیڈریشن نے انہیں ایک "قدرتی رہنما" قرار دیا اور کہا کہ وہ اپنے پیچھے ایک دیرپا میراث چھوڑرہے ہیں۔

محرز نے 119 بین الاقوامی میچز میں الجزائر کی نمائندگی کی، 40 گول سکور کیے اور 45 اسسٹ درج کروائے۔ وہ الجزائر کے اب تک کے دوسرے سب سے زیادہ سکورر کرنے والے کھلاڑی ہیں۔

ملکی تاریخ میں پہلی بار 2014 کے ورلڈ کپ کے آخری 16 تک پہنچنے میں انہوں نے الجزائر کی مدد کی اور ٹیم کو 2026 ورلڈ کپ کے دوسرے راؤنڈ تک پہنچایا۔

محرز قیادت میں الجزائر نے مصر میں 2019 افریقہ کپ آف نیشنز ٹائٹل جیتا تھا۔

کلب کی سطح پر محرز لیسٹر سٹی کی 2015-16 پریمیئر لیگ ٹائٹل جیتنے والی ٹیم کے ایک اہم رکن تھے اور بعد میں مانچسٹر سٹی کے ساتھ متعدد ڈومیسٹک ٹرافیز اور چیمپئنز لیگ جیت کر کامیابی حاصل کی۔