• صفحہ اول
• مشرق وسطی

اردن کی فوج نے منگل کو کہا ہے کہ اس نے عراق اور سعودی عرب کے قریب مشرقی صحرا میں ایک ڈرون مار گرایا تاہم یہ وضاحت نہیں کی کہ اسے کہاں سے داغا گیا۔

فوج نے ایک بیان میں کہا، "نگرانی کے نظام کے تحت رائل اردن کی فضائیہ نے منگل کو علی الصبح اردن کی فضائی حدود کی خلاف ورزی کرنے والے ڈرون کا مقابلہ کیا۔"

نیز کہا کہ "ڈرون کو مملکت کی حدود میں مشرقی صحرا میں کامیابی سے مار گرایا گیا۔"

قبل ازیں منگل کو اسرائیلی فوج نے کہا کہ اس نے اردن کی سرحد کے قریب ایک ڈرون روکا جو اسرائیلی فضائی حدود میں داخل نہیں ہونے پایا اور مزید کہا کہ وہ اس بات کا تعین کر رہی ہے کہ اسے کہاں سے داغا گیا تھا۔

اس ماہ کے شروع میں ایران اور امریکہ کے درمیان جنگ دوبارہ شروع ہو جانے کے بعد سے اردن کو بار بار نشانہ بنایا جا رہا ہے۔

پیر کے روز اسرائیلی فوج نے اعلان کیا کہ اس نے اردن کی سرحد کے قریب دو ڈرونز روکے جبکہ اردنی فوج نے تصدیق کی کہ اس نے انہیں مار گرایا تھا۔