سعودی عرب میں شعبان کے آخری جمعے کو مسجد نبوی اور المسجد الحرام عمرہ زائرین اور نمازیوں سے گنجائش کے مطابق بھری رہیں۔

زائرین اطمینان اور سکون کے ساتھ طواف اور سعی کر رہے ہیں۔ فرض نمازیں بھی ادا کی جا رہی ہیں۔ ان مناظر پر مشتمل وڈیو کلپ وائرل ہیں۔

سوشل میڈیا پر سب سے پہلے جمعے کو فجر کی نماز کے مناظر پر مشتمل وڈیو شیئر کی گئُی ۔ جمعے، عصر، مغرب اور عشا کی نمازوں کے وڈیو کلپ بھی شیئر کیے گئے۔

صارفین نے حرمین شریفین کی انتظامیہ کی کوششوں کو سراہتے ہوئے کہا کہ انتظامیہ نے عمرہ زائرین اور نمائزیوں کے لیے مسجد الحرام میں دروازے مختص کر کے بڑی سہولت دی ہے۔

خانہ کعبہ کے طواف کے بعد دو رکعت نماز کی جگہ متعین کرنے سے مسجد الحرام میں نمازیوں کو بھی آسانی ہوئی ہے۔