• صفحہ اول
• بين الاقوامى

امریکی وزیر خارجہ جان کیری کا کہنا ہے کہ ایران کے نیوکلئیر پروگرام کو ہتھیاروں کی پیداوار روکنے سے متعلق مذاکرات میں خاصی پیش رفت ہوچکی ہے۔

مگر ان کا کہنا تھا کہ فائنل معاہدے کی راہ میں ابھی بھی کئی اہم خلاء پر کرنے کے لئے موجود ہیں۔

ایران کے ساتھ جوہری مذاکرات کے ایک ہفتے کے بعد جان کیری کا کہنا تھا کہ امریکا مارچ 31 تک فریم ورک معاہدے کی ڈیڈ لائن کے باوجود کسی معاہدے کے لئے تیزی نہیں کررہا ہے۔

ان کا کہنا تھا کہ کچھ بنیادی فیصلے کرنے کی ضرورت ہے اور انہوں نے زور دیا کہ عالمی طاقتوں اور ایران کے پاس ایک سفارتی حل کا موقع میسر ہے۔

کیری رواں ہفتے میں لندن جائینگے جہاں وہ اپنے یورپی اتحادیوں سے ملاقات کریں گے۔ ایران سے مذاکرات آئندہ ہفتے میں بحال ہوںگے۔