• صفحہ اول
• بين الاقوامى

ترک صدر رجب طیب ایردوآن کے زیراستعمال بس نے صدر کے ذاتی محافظ کو کچل ڈالا۔

العربیہ ڈاٹ نیٹ کے مطابق ترک ذرائع ابلاغ میں آنے والی خبروں میں بتایا گیا ہے کہ صدر ایردوآن کی بس کی ٹکر سے ان کے ایک محافظ کے زخمی ہونے کی فوٹیج سامنے آئی ہے۔ اس فوٹیج میں دیکھا جاسکتا ہے کہ سیکیورٹی اہلکار صدر کے قریب کھڑا تھا جب بس نے اسے روند ڈالا۔ صدر ایردوان زخمی ہونے والے اپنے محافظ کے پاس اس وقت تک کھڑے رہے جب تک طبی امدادی ٹیم اس کے پاس نہیں پہنچ گئی۔

ترک ذرائع ابلاغ کے مطابق یہ واقعہ الازغ گورنری کی بلدیہ سے نکلتے ہوئے اس وقت پیش آیا جب صدر ایک اجلاس کے بعد بس کے ذریعے وہاں سے جانے کی تیاری کررہے تھے۔