• صفحہ اول
• بين الاقوامى

اسرائیلی وزارت خارجہ نے اعلان کیا ہے کہ جمعرات کو مصر کے جزیرہ نما سینا میں ایک کار حادثے میں دو اسرائیلی سیاح ہلاک اور پانچ دیگر زخمی ہوئے۔

اسرائیلی ایمرجنسی سروس کے مطابق زخمیوں کو اسرائیل کے اسپتالوں میں لے جایا گیا ہے تاہم ان کی جان خطرے سے باہر ہے۔

جنوبی سینا برسوں سے اسرائیلی سیاحوں کا مرکز چلا آ رہا ہے۔ وہ بغیر ویزا کے جا سکتے ہیں، جس کا اطلاق سرزمین مصر پر نہیں ہوتا ہے۔

کرونا وبا کے دوران سفری پابندیوں کی وجہ سے مصر کی سیاحت سست پڑ گئی ہے لیکن اس میں اب بہتری آ رہی ہے۔

اسرائیل ایئرپورٹ اتھارٹی نے اطلاع دی ہے کہ 2019 میں 1.4 ملین اسرائیلی کاروں کے ذریعے سینا میں داخل ہوئے۔

اتھارٹی نے مزید کہا کہ اس سال یکم جون تک 330,000 سے زیادہ اسرائیلی سیاح مصر آئے۔

مصر میں ہر سال ٹریفک حادثات میں ہزاروں جانیں جاتی ہیں۔ جنوری میں سینا میں ایک منی بس کے ایک بڑی پبلک ٹرانسپورٹ بس سے ٹکرانے سے کم از کم 16 افراد ہلاک اور 18 زخمی ہو گئے تھے۔

مصر کے ایک سرکاری شماریاتی ادارے نے بتایا کہ گذشتہ سال ٹریفک حادثات میں 7,101 افراد ہلاک ہوئے۔