GkAFtkVXAAEASxz
سعودی دارالحکومت ریاض میں سعودی ولی عہد شہزادہ محمد بن سلمان نے امریکی وزیر خارجہ مارکو روبیو سے ملاقات کی۔ روبیو کل امریکی صدر ڈونلڈ ٹرمپ اور روسی صدر ولادیمیر پوتین کے درمیان آئندہ سربراہی اجلاس کے معاملات کو ترتیب دینے کی تیاریوں کے سلسلے میں ریاض کا دورہ کر رہے ہیں۔ ان کا یہ دورہ سعودی ولی عہد محمد بن سلمان کی موجودگی میں یوکرین پر امن مذاکرات شروع کرنے پر رضامندی کے بعد کیا جارہا ہے۔
سعودی وزیر خارجہ شہزادہ فیصل بن فرحان نے ریاض میں اپنے امریکی ہم منصب مارکو روبیو سے ملاقات کی۔ دونوں وزرا نے دو طرفہ تعلقات اور مشترکہ دلچسپی کے متعدد علاقائی اور بین الاقوامی امور پر تبادلہ خیال کیا۔
Your browser doesn’t support HTML5 video
ریاض میں غیر معمولی سربراہی اجلاس کے انعقاد کا موقع ایک بااثر ملک کے طور پر سعودی عرب کی پوزیشن کو مضبوط کر رہا ہے۔ اس سے ظاہر ہو رہا ہے کہ سعودی عرب کا اثر و رسوخ خطے سے باہر دنیا تک پھیلا ہوا ہے۔ بین الاقوامی میدان میں اپنا سیاسی وزن ڈالنے کے لیے مسائل کی حقیقت کا پتہ لگانے اور بحرانوں کے بنیادی حل تجویز کرنے کے لیے سعودی قد کاٹھ میں اضافہ ہوا ہے۔
سعودی عرب نے 12 فروری 2025 کو امریکی صدر ڈونلڈ ٹرمپ اور روسی صدر ولادیمیر پوتن کے درمیان ہونے والی فون کال کی تعریف کی تھی ۔سعودی عرب میں ان دونوں کو اکٹھا کرنے کے لیے سربراہی اجلاس کے انعقاد کے امکان کا اعلان کیا تھا۔