A man walks past a burning building following a reported air strike by pro-regime forces on the northern Syrian city of Aleppo, on April 24, 2014. (AFP)

شامی فوج کا حلب پر ایک تباہ کن فضائی حملہ،33 افراد ہلاک

پہلی اشاعت: آخری اپ ڈیٹ:

شام کے شمالی شہر حلب میں صدر بشارالاسد کی وفادار فوج نے جمعرات کو ایک اور تباہ کن فضائی حملہ کیا ہے جس کے نتیجے میں تینتیس افراد ہلاک اور بیسیوں زخمی ہوگئے ہیں۔

برطانیہ میں قائم شامی آبزرویٹری برائے انسانی حقوق نے اطلاع دی ہے کہ شامی فوج کے جنگی طیارے نے حلب کے شمال مشرقی علاقے حلق میں ایک مارکیٹ کو فضائی حملے میں نشانہ بنایا ہے۔

شامی فوج نے بدھ کو حلب میں ایک اسکول پر بمباری کی تھی جس میں بچوں سمیت پچیس افراد ہلاک ہوگئے ہیں۔اس حملے میں اسکول کی عمارت ملبے کا ڈھیر بن گئی تھی اور دیواروں پر خون کے لوتھڑے لگے ہوئے تھے۔شامی فوج نے گذشتہ چند روز سے حلب میں باغیوں کے زیر قبضہ علاقوں پر فضائی حملے تیز کررکھے ہیں اور وہ وہاں بیرل بموں سے بمباری کررہی ہے جس پر انسانی حقوق کی تنظیموں نے کڑی تنقید کی ہے اور صدر بشارالاسد کی حکومت کے خلاف کارروائی کا مطالبہ کیا ہے۔

العربیہ کی تازہ خبریں Google News کے ذریعے حاصل کریں

اسی بارے میں