• صفحہ اول
• مشرق وسطی

برطانوی وزیر دفاع گریس شیپس نے زور دے کر کہا ہے کہ ان کی افواج نے بحیرہ احمر میں تجارتی جہازوں کے تحفظ میں قائدانہ کردار ادا کیا ہے۔

انہوں نے کہا کہ ایران بحیرہ احمر سے بحیرہ روم تک بحرانوں کو ہوا دے رہا ہے۔

برطانوی وزی دفاع کا یہ بیان ایک ایسے وقت میں سامنے آیا ہے جب دوسری جانب برطانیہ نے کہا گیا کہ برطانیہ حوثیوں پر گذشتہ جمعہ کے روز کیے گئے حملوں کے اثرات کا جائزہ لے رہا ہے جس کے بعد نئے حملوں کا فیصلہ کیا جائےگا۔

ایران کی طرف سے خطرات لاحق

برطانوی وزیر دفاع نے ’ایکس‘پلیٹ فارم پر اپنے اکاؤنٹ کے ذریعے پر پوسٹ کردہ ایک بیان میں کہا کہ ایرانی پراکیسز بحیرہ احمر سے بحیرہ روم تک بحرانوں کو ہوا دے کر خطرہ پیدا کررہی ہیں۔

ان کا اشارہ بحیرہ احمر میں شپنگ لائن پر یمن کے ایران نواز حوثی عسکریت پسندوں کے حملے کی طرف تھا۔

انہوں نے کہا کہ ایران ایک خطرے کی نمائندگی کرتا ہے کیونکہ وہ جوہری ہتھیار حاصل کرنا چاہتا ہے۔ ان کا کہنا تھا کہ بین الاقوامی تجارت دہشت گردی کا ہدف بن چکی ہے۔

انہوں نے کہا کہ ملیشیاؤں کی سرگرمیاں عالمی امن کے لیے خطرہ ہیں اور اسلحے کے لیے عالمی مقابلہ بہت بڑے خطرات کی نشاندہی کرتا ہے۔

برطانوی وزیر دفاع نے خبردار کیا کہ دُنیا مزید خطرناک مرحلے کی طرف بڑھ رہی ہے۔