تہران میں اسماعیل ہنیہ کے قتل کے خلاف بیروت میں احتجاج کے مناظر۔
مصر کے سول ایوی ایشن ڈیپارٹمنٹ نے ایئرلائنز کو 7 اگست کو ساڑھے گیارہ بجے سے دوپہر ڈھائی بجے اور 8 اگست کو ساڑھے چار بجے سے شام ساڑھے سات بجے تک ایرانی فضائی حدود میں پرواز سے گریز کرنے کا کہا تھا۔ اس امر کی تصدیق وزارت نے جاری کردہ ایک ںیان میں کی ہے۔
مصر کی طرف سے ایئرلائنز کو جمعرات کے روز علی الصبح ایرانی فضائی حدود میں تین گھنٹوں کے لیے جانے سے گریز کا بھی کہا گیا ہے۔ جاری کردہ 'ناٹوم' کے مطابق یہ ہدایات ایک بجے سے چار بجے تک کے لیے ہیں۔
Your browser doesn’t support HTML5 video
بیان کے مطابق مصری ایئرلائنز کو ہدایت کی گئی ہے کہ وہ تہران کے فلائٹ انفارمیشن ریجن سے گزرنے سے گریز کریں۔ جو جہاز بھی اس علاقے میں زیادہ پرواز کرے گا اس کی پرواز کے جواز کو قبول نہیں کیا جائے گا۔
مصری ذرائع نے بتایا ہے کہ ایران نے تمام ایئرلائنز سے کہا ہے کہ ایرانی فضائی حدود استعمال کرنے سے گریز کریں۔
Your browser doesn’t support HTML5 video
اتوار کے روز اردنی حکام نے ایئرلائنز کو ہدایت کی تھی کہ وہ اپنے پاس 45 منٹ کا اضافی ایندھن لازمی رکھیں۔
خیال رہے ایئرلائنز ایرانی و لبنانی فضائی حدود سے گزرنے سے گریز کے لیے نظام الاوقات پر نظر ثانی کر رہی ہے۔ نیز اسرائیل اور لبنان کے لیے پروازیں بھی معطل و منسوخ کر رہی ہے۔
واضح رہے حزب اللہ کمانڈر فواد شکر اور حماس سربراہ اسماعیل ھنیہ کے اسرائیل کے ہاتھوں قتل کے بعد خطے کی صورتحال مزید کشیدگی کی طرف بڑھنے کا خدشہ ہے۔